Amahan nga mipatay sa 7 months old nga bata dili mapasaylo sa inahan

Davao City – Maglisud pa og dawat ang inahan sa gidangatan sa 7 ka bulan nga anak, human gipatay sa iyang kapuyo nga si Angelo Malit, nahitabo niadtong Pebrero 10, 2024 sa Datal Lanao, Brgy.Tagaytay, Magsaysay, Davao del Sur.

Sa interview sa DXDC RMN Davao kang Sheryl Daya Bulahing, ang inahan sa bata gisulti niya, dili niya madawat ang pagpangayo og pasaylo sa iyang live in partner nga mipatay sa iyang kaugalingon anak.

Giklaro sa inahan, dili tinuod nga iyang gibaharan nga patyon ang iyang kapuyo (Angelo).

Segun niya, dili niya i-atras ang kaso og iyang ipadayon aron matagaan og hustisya ang kamatayon sa iyang anak.

“Dili kay naa man sya sala sa akoa kay grabi man sala niya sa ako bisan sarili niya anak patyon niya samot siguro kung makagawas hasta pod kami patyon niya”,sulti ni Bulahing.

Nahinabi usab sa DXDC News Team si Malit gibutyag niya, dako ang iyang pagmahay nga iyang nabuhat sa iyang anak, tungod sa kasuko niya sa iyang kapuyo ug ang ilang anak maoy napahimungtan.

Gi-andam na sab sa kapulisan sa Magsaysay Police Station ang kasong Parricide og karong adlawa Pebrero 13, 2024 ipasaka ang kaso.

RadyoMaN Don Pulayao