Sa interbyu sa DXDC RMN Davao kang Police Major Leo Arvin Alce, Station Commander sa IGaCoS PNP, giila niini ang suspek nga si Jong, 33 anyos, mag-uuma, bulag sa asawa ug residente sa naasoy nga lugar.
Sa report, gikulong sa amahan ang iyang duha ka anak sulod sa ilang balay ug nagdala kini og atsa, diin posibleng nakasinati og depresyon ang suspek niadtong higayona tungod sa pakyas nga makainom og tambal alang sa iyang mental health problem.
“Prior sa hostage-taking, giingnan na mi sa iyang pamilya nga naa siyay gina-take nga tambal para sa iyang mental health, (then) during that time, wala niya nainom,” sulti ni Alce.
Hinuon, luwas ang mga menor de edad nga gikustodiya na karon sa City Social Welfare and Development Office (CSWDO).
Sa pagkakaron, naka-isolate ang suspek ug gihulat na lamang ang swab result niini una isulod sa Mental Hospital sa Davao City aron kini mahatagan og medikal nga atensyon.
RadyoMaN Kirby Manzon
