Davao City – Napasaka na sa Magsaysay Police Station sa piskalya kagahapong adlawa Pebrero 13, 2024 ang kasong parricide batok sa amahan nga si Angelo Malit nga mipatay sa iyang 7 ka bulan nga anak niadtong Pebrero 10, 2024 sa Datal Lanao, Brgy.Tagaytay, Magsaysay, Davao del Sur.
Sa interview sa DXDC RMN Davao kang Police Captain Rodrigo Dumangas, Hepe sa Magsaysay Police Station gisulti niya, walay kamatuoran nga giingong addict ang suspect og wala ma-apil sa drug watch list og tokhang.
Segun ni Dumangas, dili dayon motuo sa mga isturya sa gawas nga walay basihan, bugtong tohoan ang report gikan sa ilang buhatan.
“Mao gani akong hangyo nga base sa report dili lang gyod sa estasyon dili sila maminaw kay daghan marites sa gawas,,,,kay gahapon makagawas daw ang suspect ngano makagawas man”,sulti ni Dumangas.
RadyoMaN Don Pulayao
Facebook Comments
