Amahan Patay human gipusil sa iyang silingan

23

General Santos City– Patay sa pagpamusil ang usa ka amahannga nailang si Ansary Carim, legal age, residente sa Purok Calsanter, Barangay Bula, GenSan, human kining gipusil sa iyang silingan nga si Abubakar Sumagayan, legal age alas 6:00 pasado ang takna sa gabie.

Subay sa inisyal nga imbistigasyon sa Bula Municipal Police Station nasuta nga gisita matud pa sa biktima ang suspek gumikan sa paglabay matud pa niini ug hugaw nga tubig ngadto na sa iyang garden sa gulay nga anaa ra usab sa ilang tugkaran.


Nasuko ang suspek, misulod kini sa iyang balay dayon nikuha ug pusil, ug pusil ang biktima pila ka higayon.

Nakaangkon ang biktima ug samad sa iyang lawas nga hinungdan sa iyang kamatayon. Paspas nisibat ang suspek sa wala sayring lugar bitbit ang iyang armas.

Sa karon nagpadayon ang gihimong imbistigasyon ug padayon pa usab ang hot pursuit operation batok sa suspetsadong misibat.

Facebook Comments