Patay nga nahidangat sa balay tambalan ang usa ka biktima sa nahitabong aksidente sa dalang nasyunal didto sa brgy. San Antonio sakop sa lungsod sa Manukan ning atong probinsya niadtong adlawng lunes mga 5:15PM.
Ang naaksidenteng sakyanan mao ang kolor itom Honda bravo 100 sinlge motor nagtangag sa plaka numero mc18368 gipanag-iya ug gimaneho ni Rico Pancho Santander, 30 anyos, ug adunay duha ka backriders nga mao ang iyang amahan nga si Calvin Gantalao Santander, 57 anyos ug pag umangkong lalaki nga si James Aron Pancho Omisol, 9 anyos pulos residente sa nahisgutan nga barangay.
Sa gihimong makuting imbistigasyon sa kapulisan nasayran samtang ang motor naglawig kini gikan sa brgy. Villaramos padulong sa brgy. San Antonio, paghidangat sa lugar nahitaboan, ni maniobra ang driver padulong sa pikas nga bahin sa dalan apan aksidenteng na danlog ang ligid sa iyang motor tungod kay dili level ang maong dalan.
Didto maayong pagka hapla sa ilang motor lakip ang mga karga niini, ang mga sakay nakaangkon ug mga pangos sa nagkadaiyang lawas, dali usab gidala sa Manukan Rural Health Unit ang amahan sa driver nga si Calvina, apan wala na kini kinabuhi sa paghidangat sa maong tambalanan.
