Amahan sa 15 anyos nga batang nalatayan sa 10-wheeler truck, hugatnong miingon nga wala magkulang sa pag-disiplina sa iyang anak

PC: RadyoMaN Jonathan Bullo

Hugtanong miingon ang amahan sa 15 anyos nga menor de edad kinsa namatay human malatayan sa 10-wheeler truck sa Gaabucayan Extension, Barangay Lapasan ning siyudad kagahapon nga wala kini magkulang sa pagpahimangno ug pag-disiplina sa iyang anak.

 

Gibutyag ni Ronald Bongkawil, ang amahan sa biktimang si Bernard Carahasan, pirmi niining gapahimangnoan ang iyang anak nga dili magsige og saka-saka sa mga sakyanan nga moagi.

 

Matud ni Bongkawil, sa higayon nga magsumbong ang iyang mga silingan nga mikabit ug misaka sa sakyanan ang iyang anak, iya gilayon kining gabunalan ug gakasab-an isip paagi sa pag-disiplina apan subli gihapon kining gabuhaton sa biktima.


Facebook Comments