Sumala sa 50 anyos nga dili niya buot ipapriso ug kasuhan iyahang asawa kinsa suspek sa pagpatay sa ilahang 4 anyos nga kinamanghuran.
Segun ni Alyas Ruben, nitugot kini nga ipa-admit ug mapatambalan ang iyahang asawa kinsa alegasyong adunay mental disorder.
Sa imbestigasyon sa Calinan Police Station, asphyxia by manual strangulation kun gituok ang bata hangtod sa mawad-an kini’g hangin ang gilantaw nga hinungdan sa iyahang kamatayon.
Girekomendar usab sa kapulisan nga mapailawom kini sa awtopsya aron masuta gayod ang cause of death niini.
Atol usab sa interbyu sa DXDC, giangkon sa suspek ang krimen ug nangayo kini’g pasaylo tungod wala niya kini tuyoa nga nahinaykan ang iyahang kaugalingon anak human siya giingong nawala sa iyahang pamensar sulod sa ilahang balay.
RadyoMaN Aimee Guinita
