Dapitan, City-Tumang kaguol ang gibati karon sa ginikanan sa bata nga usa ka tuig kapin nga si Chloe Labisig, taga lungsod sa Sibutad, ning probinsya human wala nila naluwas ang kinabuhi sa ilang anak.
Nabuhian matod pa sa amahan nga si Allan Labisig ang iyang usa ka anak nga kamahuran nga si Chloe tungod sa kakusog sa sulog sa tubig ug nagkalisod usab siya tungod kay nagkapyot ang iyang anak sa iyang liog.
Ang naluwa, iyang lamang kamagulangan, gisaysay sa amahan sa bata nga si Allan nga lab-as pa sa iyang panumduman nga halos tulo sila ka oras naa sa lawod nagpa utaw-utaw ug iyang bugtong mahinumduman mao lamang ang pag sambit sa ngalan sa ginoo ug didto daw mawala ang iyang kakapoy*.*
Samtang nag utaw-utaw sila sa lawod imbis nga duol na sila sa barko madala sila sa kakusog sa sulog sa tubig, swerte usab nga nay mga rescuers ug natabangan sila pero ang iyang anak nga si chloe wala gayud maluwas.
