Davao City – Mireklamo ang usa Retired Police nga si Edward Marcos Parra, 49 anyos, residente sa Mati City, Davao Oriental, tungod kay ubay-ubay sa iyang mga gamit nawala human gidakop ang iyang anak nga babaye nga si Kerthel Maer Lumahang Parra atol sa buy-bust operation sa kapolisan sa Sta. Ana sa nakalabay’ng adlaw sa Padre Gomez St. syudad sa Davao.
Sumala pa, gisikop ang anak sa complainant tungod kay nagapahigayon og pot session sa iligal nga droga apan sa gihimong pagsusi sa mga gamit sa dinakpan nawala ang pitaka nga dunay sulod 10,000 pesos, 3 ka unit nga mobile phones, 3 ka unit nga mga touchscreen mobile phones, duha ka shades nga dunay nagkalain-laing lente, 2 ka wrist watch, 2 ka cellphone charger, helmet ug tsinelas.
Gipablotter kini sa naasoy sa kapolisan aron ipahibalo nga ang nahisgutang mga butang nawala atol sa pagdakop sa iyang anak.
RadyoMaN Paul Canono
