Amahan sa nag birthday party, gitigbas sa bisita

304

Davao City – Kasong frustrated murder ang atubangon sa usa ka mag uuma human maoy gitudlo nga nagtigbas sa iyang silingan sa Purok 2 Brgy. Barayong, Magsaysay Davao del Sur alas 6:30 sa kagabhion.

Ang biktima mao si Daryl Mamoca, 33 anyos samtang ang suspek mao si Edgar Mocon Sending, 42 anyos pulos mga mag uuma ug mga residente sa nahisgutang dapit.


Sa imbestigasyon sa Magsaysay PNP, ang suspek mitambong sa birthday celebration sa anak sa biktima.

Samtang nag inum kalit nga gihagit sa suspek ug sumbagay ang biktima hangtud nga misangko sa pagpanigbas.

Daling gidala ang biktima sa mga tagtungod sa balay tambalanan human maka agom ug samad sa ulo samtang ang suspek naaresto atol sa gilusad nga manhunt operation sa kapulisan.

RadyoMaN Erin Lumosbog

Facebook Comments