Davao City- Dako ang pagsalig ni Dennis Larrida, usa sa mga survivors sa Roxas Night Market blast miadtong September 2, 2016 nga sa hingpit mahatag kanila ang hustisya.
Mag usa ka tuig na ang maong insidente dinhi sa dakbayan sa Davao diin 15 ka mga kinabuhi ang nakalas ug di muubos sa 70 ang samaran sa maong pagpamomba.
Sa padayong paglihok sa kaso sa korte batok ngadto sa pipila ka mga membro sa Maute group kinsa nadakpan sa Armadong Kusog sa Pilipinas, nagmaluomon si Larrida nga dili sila pasagdan sa lokal nga gobyerno haron makuha na gyod nila ang hustisya.
Apil sa 15 ka mga nakabsan sa kinabuhi ang asawa ug anak ni Larrida.
Subay niini, bisan pa man gitudlong suspek ang mga Maute group sa maong pagmabomba sa syudad nagtoo si Larrida nga gigamit lamang kini sila sa mga teroristang ISIS ug nagpagamit ra sab kini sila.
Taliwala sa mga pagsulay sa kinabuhi nagmalig-on gihapon hangtod karon si Larrida.
Kasamang Aimee Guinita
