Davao City – Nagtuo ang amahan sa usa ka pulis kinsa aksidenteng nakapusil-patay sa iyang inahan sa sa Prk 1 Brgy. San Roque, New Corella, Davao del Norte alas 9 sa gabii niadtong adlawng Sabado, Abril 7 nga gihigugma sa iyang anak ang iyang inahan ug aksidente lang ang nahitabo.
Sa report gikan sa Police Regional Office kun PRO XI, gibutyag ni Enrico Dumapig, amahan ni PO1 Emmanuel Melana Dumapig, 24 anyos, ug na-assign sa Regional Mobile Force Battalion (RMFB) sa PRO 11, Camp Catitipan, ning syudad sa Davao nga samtang nagpahigayon og dry firing iyang anak sulod sa ilang panimalay, wala kuno siya kabalo nga loaded ang .*45 calibreng* pusil niini ug gikaw-it niya ang gatilyo rason nga mibuto ug naigo ang salamin sa ilang balay nga milusot sa bungbong sa ilang kwarto diin asa naa sa sulod iyang inahan nga giilang si Emma Melana Dumapig nga naigo sa tuong bahin sa suwang resulta sa hinanaling kamatayon.
Sumala pa sa amahan nga dili intensyon sa iyang anak nga patyon ang iyang inahan.
Dugang niini, walay planong magpasaka ang pamilyang Dumapig batok sa pulis tungod sa ilang gituohang aksidente lang ang maong panghitabo.
Gihaya na karon ang biktima sa ilang panilamay sa nasangpit nga lugar samtang posibleng mag atubang og admin nga kaso nga mao ang Grave Misconduct si PO1 Dumapig.
RadyoMaN Renz Barbarona
