Davao City – Sa kapin duha ka tuig nga gawasnon sa balaod ang usa ka suspek sa pagpanlugos, malampuson kining nadakpan atol sa joint operation sa kapulisan sa Matan-ao ug Marilog sa may Sitio Mabuhay, Brgy. Marilog, Marilog District ning syudad sa Davao alas-6:30 sa buntag adlawng Huwebes.
Atol sa interbyu sa RMN Davao kang Matan-ao PNP acting station commander P/Capt. Renato Uy nga gisilbi nila ang warrant of arrest ngadto sa suspek nga gipagula ni RTC Branch 61 Hon. Judge Carfelita Cadiente-Flores.
Walay girekomenda nga pyansa ang judge sa maong kaso.
Segun ni Uy nga gikonsidera nila kining Top 8 Most wanted person sa munisipalidad sa Matan-ao.
Nag-edad 12 anyos pa ang biktima kinsa anak niini niadtong 2016 sa pagkahitabo sa giingong pagpanlugos.
Ipresenta sa kapulisan ang akusado ugmang adlawa sa korte aron mabalhin na usab kini ngadto sa Digos City District Jail.
RadyoMaN Aimee Guinita
