Amay dakop sa buybust sa Brgy. 26

BACOLOD CITY – Isa ka amay nadakpan sa akto nga nagabaligya sang suspected illegal drugs sa ginpatigayon nga buy bust operation sini gid lamang nga kaagahon sa Brgy. 26, Bacolod City.

Nakilala ang suspek nga si Americo Alegayda, Alyas Bugrong, 54 anyos residente sang Purok Nagabinuligay, Brgy. 26, ciudad sang Bacolod.

Nadakpan si Alegayda sa ginpatigayon nga buy bust operation sang Police Station 4 sa amo nga lugar may mga las 12:20 sini gid lamang nga kaagahon.


Nakuha sa possession sang supsek ang apat ka sachet sang suspected shabu, drug paraphernalia kag 500 pesos nga buy bust money.

Ang suspek detained karon sa custodial facility sang Police Station 4./dyHB BACOLOD

Facebook Comments