Amay na-missing matapos ginsiling ginpick-up sang pulis

165

BACOLOD CITY – Nagapangayo karon sang bulig ang pamilya sang isa ka amay nga ginpick-up sang pulis sadtong Lunes sang aga, December 3 sa atubang sang regional hospital kag tubtub subong wala pa nakabalik.

Si Leilani Francisco, 39 anyos, residente sang Charito Heights, Brgy. Granada, Bacolod City ang nagpadulong sa Police Station 2 agud i-report nga ang iya amay nga si Lino Gamboa, 59 anyos, pumuluyo sang Purok Cordova, Brgy. 18 ang wala pa sa gihapon nakabalik sa ila balay.

Suno kay Leilani nga ang iya amay ang nagbakal sang bulong sa atubang sang Corazon Locsin Montelibano Memorial Regional Hospital sang Lunes sang ini ang ginpick-up sang wala makilala nga isa ka police officer.

Humalin sadto wala na nakapauli pa ang ila amay kag wala man sila nakahibalo kon diin na ini sa karon./dyHB BACOLOD

Facebook Comments