ILOILO CITY – Posible nga nagpangimon ang amay sa bata nga nagamigo-migo na rason nga nagkomiter ini sang suicide.
Nasapwan nalang nga wala sang kabuhi si Vicente Alvarez, 57 anyos pasado alas 5:30 Huwebes sang aga samtang nagabitay sa balayan.
Gingamit sini ang alambre nga ginhigot sa iya liog agud utdon ang kabuhi.
Suno sa iya anak nga babaye, 27 anyos, 5 na ka beses nga nagtuyo nga maghikog ang iya amay.
Antes sini, pirme siya ginabuyayaw sa text sang iya amay kag ginahambalan nga kuhaon niya ang iya apo bangod siya ang nagpadako sini.
May isa ka anak sa pagkadalaga ang babaye kag may migo ini karun nga sa iya pagpati ginapangimunan sang iya amay.
Suno sa babaye, may espesyal nga pagtamod sa iya ang amay bangod makapila niya ini ka beses nga nadakpan nga nagalingling sa iya samtang nagapaligo sa banyo.
“Kay kapila ko na siya nadakpan nga nagalingling sakon nga nagapaligo ko mo… mga ka-apat ukon kalima guro. Ginapasensya ko lang na siya [Sir] kay hindi ko gusto mabal-an sang tawo pero hindi na ko ka-agwanta.”
