BACOLOD CITY – Bangud sang paglinalisay, isa ka amay ang natiruhan kagab-i sa Brgy. Granada, ciudad sang Bacolod.
Nakilala ang biktima nga si Eduardo Abarico, 37 anyos, residente sang Sam Village, Brgy. Granada, Bacolod City.
Suno sa abyan sang biktima nga amo ang nagdala sa iya sa ospital, si Abarico ang nagsugat sa iya bata kon diin gintawag niya ini agud nga magpauli na.
Apang nasugata niya ang suspek kag sa wala mahibaluan nga rason ini sila ang naglalisay.
Nakibot na lamang sila sang hinali na lamang nga gintiro sang suspek nga si Juanito Olano ang biktima.
Naigo sa iya ulo kag li-og ang biktima gani padayon ini karon nga ginabulong sa Corazon Locsin Montelibano Memorial Regional Hospital./dyHB BACOLOD
Facebook Comments
