Nagpanawagan karon ang amay sang biktima sang gina-alegar abduction sang nakaligad nga semana sa driver sang tricycle nga nagdul-ong sa iya bata sa ila balay.
Suno sa amay nga si Manong Yul, ginapanawagan niya ang tricycle driver nga maguwa agud iya man ini mapasalamatan sa pagdul-ong pauli sang iya bata.
Dugang pa sini nga luya man niya hingyuon ang drivr nga magpamatuod nga gindul-ong sini ang biktima halin sa green meadows subdivision kon sa diin nagbantay ini sang salakyan matapos makapalagyo sa mga abductors.
Ginhimo sang amay ang panawagan matapos, nagpahayag sang pagduda ang mga pulis nga gin-abduct ang dalagita kag nakatigayon lamang nga makapalagyo.
Ginpahayag sini nga wala sang rason agud maghimu-himo sang istorya ang ila bata nga biktima ini sang abduction para lang makakuha sang atensyon sang publiko.
