Nakumpiskar sang kapulisan sang Sibalom Police Station sa probinsya sang Antique ang siyam ka karon sang makahulubog nga ilimnon nga nakarga sa ambulansya sang Municipal Disaster Risk Reduction and Management Office ukon MDRRMO sang nasambit nga banwa.
Na-intercept sang mga pulis ang makahulubog nga ilimnan sa ginahiwat nga checkpoint sa barangay Fabrica, Sibalom, Antique matapos ginpadulog ang ambulansya nga ginamaneho ni Emmanuel Marron, 33 anyos sang amo man nga banwa.
Sang gintsekyar ang sulod sang ambulansya nakita ang siyam ka karton nga may sulod nga mga makahulubog nga ilimnon.
Ginpat-od naman ni Mayor Gian Carlos Occenia sang Sibalom, Antique nga manabat gid si Marron sa ginhimo sini nga pagpalusot sang mga ilimnon bangud wala niya ginatolerar ini nga mga akto nga maathag nga paglapas sa liquor ban angut sa ginapatuman nga Community quarantine bangud sa COVID-19.
