AMBUSH NI WELLINGTON LIM / Usa ka guwardiya namatay sa ambush sa igsoon ni Peter Lim

Kuhaan ug pahayag sa Homicide Section sa kapolisan sa dakbayan sa Sugbu ang igsoon ni Peter Lim , nga si Wellington Lim labot sa nahitabo nga pag-ambush niini kaganinang kadlawon .

Ang imbistigador sa Homicide Section sa CCPO nga si SPO3 Wetzel Berry namahayag nga balikon nila ang crime scene dool sa Infinity Bar sa dalan Archbishop Reyes barangay Camputhaw aron makakuha ug mga CCTV footage nga magamit sa ilang imbistigasyon.

Si Wellington Lim luwas ra maong ambush , apan namatay ang napagan nga guwardiya nga si William Bucay ug samdan ang laing guwardiya nga si George Lambatan ug laing duha ka German nationals nga niagi lang sa maong lugar atol sa ambush.


Ang Ford Expedition nga giingong gisakyan ni Lim didto na nakit-an sa usa ka building sa IT Park .

Natusak –tusak sa daghang bala ang sakyanan , apan wa gyud kalusot ang bala tungod kay bulletproof kini .

Kapin sa 50 ka mga kabhang sa bala gikan sa M16 ug laing armas ang nakuha gikan sa crime scene .

Ang kapolisan padayong nag-imbistigar karon kung unsay motibo sa krimen.

Facebook Comments