Pasado na karon sa mga sakop sa Sangguniang Panlalawigan sa Zamboanga del Norte sa temporaryo nga pagpangulo ni Presiding Officer Pro Tempore Julius C. Napigquit ang gipadala nga sulat ni OIC, Governor Romulo P. Soliva nga Amended Memorandum of Agreement (MOA) may kalabot na sa multi-milyones nga mga proyekto nga buot ipatuman dinhi sa probinsiya gikan sa Office of the Presidential Adviser on the Peace Process (OPAPP) sa dili madugay.
Si Assistant Majority Floor Leader Ronilio D. Lee ang mipasupot sa resolusyon nga nag-amendar sa gihisgutan nga MOA nga gipasar na sa mga magbabalaud sa probinsiya kaniadto pang Enero 15, 2018 diin ang mga proyekto ilawom sa Fiscal Year 2017 Payapa at Masaganang Pamayanan (PAMANA) nga nagkantidad sa kinatibuk-an nga Php 118, 360,000.00 atol sa gipahigayon nga regular session niadtong Lunes, Pebrero 19, 2018.
Apan nasayran nga diha sa Amended Memorandum of Agreement nga gipasar karon sa pag-usab sa mga sakop sa sangguniang panlalawigan nakunhoran na kini gikan sa Php 118, 360,000.00 ngadto sa kantidad nga Php 117, 360,000.00 lamang.
Ang mga kalungsoran sa tersero distrito sa Zamboanga del Norte nga makapahimulos sa PAMANA program nagalangkub sa bayente-nueve (29) ka mga proyekto ug giapod-apod sa mga kalungsoran sa Kalawit, Baliguian ug Siocon nga mao ang mosunod: 600 Carabao Heads; 4-Wheel Tractor ug Coconut Seedlings; Post-harvest Facilities; Smoke House; Elevated Solar Dryer; 100 Pikit-pikit Units; Concrete Pathways; ten (10) ektaryas Mariculture; ug Usa (1) ka ektarya nga Fish Sanctuary.
Samtang sa lungsod sa Sibuco nasayran nga ang mga proyekto nga ipatuman mao usab ang mosunod: Agricultural Livestock, Warehouse, Solar Dryer ug Farm Machineries; Walo ug 1/4 (8 ¼) ka ektaryas nga Mud-Crab Fattening; Level II & III Water Supply Facilities; Drying Fish Smokehouse; Intake Box & Overhead Reservoir; Evacuation Center ug; Household Solar Electrification Projects.
