Gibutyag ni Police Major Jake Goles, Sasa Police Station Commander, nadakpan nila sa Brgy. Salvacion, Panabo, Davao del Norte ang suspek nga giilang si Richard Wayne Dekle.
Sumala ni Goles, gisilbi nila sa suspek ang warrant of arrest sa mga kasong statutory rape, sexual assault in rel. to sec. 5(B) sa R.A. 7610 ug acts of lasciviousness nga gipagula ni RTC Branch 12 Hon. Dante A. Baguio niadtong December 13, 2022.
Walay piyansa para sa statutory rape samtang P180,000 sa sexual assault in rel. to sec. 5(B) of R.A. 7610 ug P200,000 nga piyansa sa acts of lasciviousness.
Gibutyag ni Goles, gireklamo ang langyaw sa pagpangabuso og menor de edad ug napasaka ang kaso batok kaniya niadtong Hunyo 2022.
Tungod sa hibug-aton sa giatubang nga mga kaso sa suspek gikonsidera kini sa Sasa Police Station nga Top 8 Most Wanted Person sa Davao Region.
Naka-detain ang suspetsado sa Sasa Police Station.
RadyoMaN Aimee Guinita
