Amerikano napalgan-patay sa hotel

Davao City – Patay na nga napalgan ang usa ka langyaw nailang Timothy Jones, 73 anyos, taga-Merrith Ave. APT C Oakland California, nakaplagan sulod sa isa ka hotel nahimutang sa may Lacson St., Barrio Obrero siyudad sa Davao.

Sa inisyal nga imbestigasyon sa Sta. Ana PNP gisaysay sa helper sa maong hotel nga si Lorraine Rosario nga samtang naglimpiyo kini sa usa ka kuwarto, nakasimhot kini og di mao nga baho sa pikas kwarto rason nga gisulayan og susi sa mga kakaubanan sa trabaho apan walay nitubag ug nadungog lang nga nagtingog ang TV sa sulod.

Daling nagpatabang sa kapulisan ang witness gani sa dihang sa pag-abri sa maong kuwarto nakit-an nga wala nay kinabuhi ang langyaw nga nakahigda pa sa iyang higdaanan.


Sumala pa nga nag check-in niadtong pang petsa 12, adlaw’ng Martes, naka book kini og lima ka adlaw diin namatikdan ang langyaw nga hubog na panahon nga mugawas gikan sa iyang kuwarto matag buntag.

Sa imbestigasyon nga gilusad sa SOCO Team, walay nakitang foul play ang kamatayon sa langyaw ingon man walay sign sa commotion nga nahitabo sulod sa maong lawak.

Ang patay’ng lawas anaa na sa pagkadugta ug gidala na sa Angel Funeral Homes sa may dalang F. Torres ning dakbayan ug gikatakdang ipailawom sa awtopsiya ang patay’ng lawas aron masayran kun unsa ang hinungdan sa kamatayon niini.

Gipaabot na sa kapolisan ngadto sa US Embassy aron mapahibalo sa pamilya sa maong American national kalabutan sa maong insidente.

RadyoMaN Don Pulayao

Facebook Comments