Padayon pang gihulat sa kapolisan sa Divisoria Police Station ang resulta sa gihimong otopsiya sa Scene of the Crime Operatives kon SOCO kalabot na sa hinungdan sa kamatayon sa usa ka Amerkano kagahapon sa buntag.
Nasayran nga nakit-an na lamang nga patay na sulod sa iyang apartment kagahapon mga alas-7:00 sa buntag, sa Kalambagohan Street ning syudad ang 76 anyos nga si Ronald Van Orden, ulitawo nga taga-Amerika.
Gikabutyag nga duha ka semana pang nag-abang sa maong apartment ang biktima, kinsa usa sa biktima sa sunog sa Barangay Gusa ning syudad.
Matud sa 32 anyos nga minyong higala ni Orden, kinsa gikan pa sa Australia nga iya untang surprisahon ang higala apan nakurat na lamang kini dihang patay na kini sa iyang pag-abot.
Dugang pa sa maong babaye nga adunay gihambin nga sakit ang iyang higala hinungdang niwang na ang ang panglawas niini.
