Amit: IGaCoS motuman sa revocation order

83

Davao City – Gibutyag karon ni Island Garden City of Samal (IGaCoS) Vice Mayor Orly Amit nga andam ug tagana ang ilang lokalidad ilawom sa liderato ni Mayor Al David Uy nga motuman sa mando ni Department of Interior and Local Government (DILG) Sec. Eduardo Año nga i-revoke ang tanang mga business permits and licenses sa mga investment schemes sa ilang area.

Nasayran nga halos tanang mga investment schemes nga nakabase sa silingang siyudad sa Tagum nakasulod ug nag-operate usab sa ilang dakbayan.


Segun kang Amit nga matag adlaw, dagsa ang mga tawo gikan sa ubang dapit sa ilang lugar aron mo-invest sa mga iskema sama sa KAPA, Rigen ug uban pa.

Dugang usab sa bise-alkalde nga iyang opinyon nga ilawom sa local autonomy provision sa Local Government Code, adunay ‘discretion’ ang LGU sa isyung license issuance apan obligado kining tumanon ang direktiba sa DILG sanglit ang tanang mga LGUs ubos man sa supervision sa naasoyng ahensiya sa pangagamhanan.

RadyoMaN Joel Viray

Facebook Comments

From Advertisers