Por su amor consu tata, un 29-año de edad persona nohay mas planta caso consu tata despues este ya hace lapa disu carillo mientras ta cambia el año na barrio de Culianan.
Asegun na report del Culianan Police Station, si Darwin Eugenio y Carpio, ya tene que perdona ya lang consu tata si Agapito Eugenio, 51, despues del mencionao incidente.
Na lao tambien del pulis, ya tene sila que larga con Agapito seguiendo con el decision del victima que es su mismo hijo si Darwin.
Acordando, hora ta termina el año 2017 y ta entra el año 2018, yan pelyahan si Agapito y su esposa na dilla resiodencia na Nazareth Drive, Culianan.
Amediante del diila peleya, ya anda el esposa di Agapito reporta el incidente conel diila hijo si Darwin quien ta queda na distancia solamente.
De saber el cosa ta pasa, ya anda si Darwin abregua consu tata pero conele tambien ya bira el rabya di Agapito.
Aqui derepente ya lang ya jala si Agapito consu bolo y ya hace lapa na esquierda carillo di Darwin.
Con Darwin ya lleva na hospital mientras con Agapito ya aresta el maga pulis.
Si Darwin ta recopera su condicion mientras nohay mas caso que ay llega pa corte.
