Man nobyo ya queda victima de hold-up na Abong-Abong Park na Pasonanca del Martes por la noche.
El dos vitcima de quien nombre ya esconde ya lang, enbuenamente ta man date na lugar cuando derepente ya lang ya abuya el un persona ta usa mascara y armao de 38 revolver y ya planta canila.
El hold-upper ya saca diila cell phone Oppo, portamoneda tiene P500 y maga papeles del diila motorsiclo.
El suspechao ya escapa despues del incidente.
Maga victima ya anda dayun reporta el incidente na Sta. Maria Police Station.
Acordando, monton ya de aquelios quien ta man date na Abong-Abong el ya queda victima de hold-up del maga tiempo pasao.
Facebook Comments
