TACLOBAN CITY – Diri nababaraka an An Waray Party-List ha iba nga party-list groups dinhi ha Sinirangan Bisayas para ha tikaarabot nga 2019 elections.
Sumala kan An Waray Party-List Founder Florencio “Bem” Noel, mas challenging an eleksyon kun mayada kontra.
Upat nga party-list an karuyag makasakob ha kongreso ini an An Waray, Tingog Sinirangan, Aangat Tayo ngan People’s Surge.
Dugang ha pamahayag ni Noel, pag maupay an intensyon han usa nga party-list ngan nabulig ngan nahatag hin assistance ha mga nangangahinanglan iboboto ito han mga tawo.
Hi Florencio “Bem” Noel in mabalik ha politika kumo first nominee han An Waray Party-List nga nagtikang dida pa han 2001.
An first nominee naman han Tingog Sinirangan amu hi Leyte 1st District Rep. Yedda Marie Romualdez, waray naman magdaog ini nga party-list dida han 2016 elections.
An Aangat Tayo naman in usa nga multi-sectoral group nga nagdaog dida han 2016 elections ngan hi Rep. Harlin Neil Abayon III an first nominee.
An People Surge naman in nahimo matapos an 2013 Super Typhoon Yolanda ngan maapi ha politika yana nga tikaarabot nga eleksyon, usa ini nga grupo han mga militante.
Siring naman ni Noel, diri hira naghuhuna-huna han ngaran o tawo ha iba nga party-list basta an an waray in aada para magserbe ha mga tawo.
Kun han una an pokus han an waray in edukasyon ngan panlawas pero kay mayada na programa an gobyerno
Mayada naman kun programa an gobyerno para ha education ngan health sanglit yana popokusan han An Waray Party-List an livelihood.
