Ta considera ahora el pulis con el un anac hombre del familia Dolong como el responsible na matansa consu mismo nana y dos hermana adentro del diila casa na Dita del Biernes madrogada.
Ya admiti asegun si Salam Dolong y Mauni, 25, un Imam con el maga pulis que ele asegun el ya mata consu nana si Ianag Dolong, 63, y dos hermana canda Rasda y Dayana ambos maga estudiante.
Pero asegun dol nohay na su wicio si Salam porcausa ya man saway-saway dao este.
Asegun con Dr. Dulce Amor Miravite, ya puede sila nota colorao como rastro de cuga na pescueso del maga victima.
Acordando, alas 3 del aga ya descubri muerto con el maga victima el fadre de familia quien nuevo ya llega esta na fescada.
El caso bajo pa na imbestigacion porcausa gende pa ta puede saca estenco con el suspechao.
