Ya abducta con el anak del alcalde del Labason, Zamboanga del Norte el seis maga desconosido armao persona na barangay Poblacion pasao alas seis este noche.
Con el victima ya identifica como si Jade Quimbo, legal de edad, un negociante y anak di Mayor Eddie Quimbo.
Na initial report del policia, adentro asegun el victima na su tienda cuando ya aparece el maga armao persona quien ya pretende como customer y despues ya planta armas de fuego con el victima y porsaomente ya saca conele.
Ensiguidas ya escapa el maga suspechao para na direction asegun del Gutalac Zambo Norte llevando con el victima abordo na un colorao van.
Despues del cuantos minutos ya puede asegun recubri el maga police con el get away vehicle que ya usa el maga suspehao na na coastal area del barangay Osukan del mencionao munisipio pero nohay mas el maga supechao.
El policia ta continua ahora conduci el hot pursuit operation paraber puede recubri con el victima y el posible aresto del maga suspechao.
