Sa eksklusibong pakighinabi sa DXDC RMN Davao, kang Lucena Deolina gibutyag niini nga daghang mga bun-og ug samad nga nahiaguman ang iyang inahan ingon man wala sab kini’y sapot ug gipang tabunan pa kini og pinutol nga sagbot dihang napalgang patay sa nahisgutang lugar.
Gituohan sab ni Deolina nga na-trippingan ang iyang inahan gumikan wala kini masayod nga dunay nakalaban.
Gisaysay sab niini nga healthy ang iyang inahan bisan pa man sa katigulangon, gani, wala matud pay kini’y sakit sa pangutok, sa ulo ug sa tuhod.
Dugang butyag ni Deolina nga aduna sab napalgan nga panyong puti nga dunay gamay’ng dugo asa sagad ginabutangan sa iyang inahan og kwarta.
Samtang, matud pa ni Deolina nga dili na ipailawom sa autopsy ang patay’ng lawas ni Ana ug gisalig na sa kapulisan ang paglusad og lawom nga imbestigasyon aron nga mahatagan og katubagan ang kamatayon sa iyang inahan ingon man hustisya kon ugaling dunay nagpaluyong responsable sa kamatayon niini.
RadyoMaN Kareen Beltran
