Davao City – Gidala sa balay tambalanan ang usa ka Apolonio Quirap Jr., residente sa may San Pedro Ext. ning siyudad, sa dihang gidunggab kini sa walo ka higayon sa iyang kaugalingon nga amahan.
Sa record sa San Pedro PNP, suspek naila nga si Apolonio Quirap Sr., 70 anyos, residente sa nahisgutang lugar, diin alas 11:40 kagabii aduna silay panaglalis sa iyang anak bahin sa ilang pagkaon.
Sa wala nagkasinabtanay ang mag-amahan, mikuha og kutsilyo ang suspek ug gidunggab ang biktima sa walo ka higayon hinungdan sa pagka angol niini.
Daling misibat ang 70 anyos nga suspek samtang gidala sa Brokenshire Hospital ang biktima nga padayun pang gina-obserbahan sa mga doktor karong panahona.
Kapolisan naghimo na og follow-up investigation aron nga madakpan ang suspek.
RadyoMaN Paul Canono
