Sa interview sa DXDC RMN Davao kang PSMS Teodoro Blaya, personahe sa GovGen Municipal Police Station (MPS), iyahang giila ang suspek nga si Mario Burdas, 33 anyos ug residente sa nahisgutang lugar.
Matud sa pulis, hubog ang suspect sa dihang iyang gihimo ang pagpangdagmal sa iyahang inahan nga si Jocelyn.
Sa exclusive interview sa DXDC RMN Davao sa suspect, iyahang gisaysay nga ginainitan matud pa sa iyahang inahan ang iyahang asawa, rason nga iyaha kining nakulatahan.
“Gibiyaan ko sa akong asawa tungod sa akong ginikanan. Bisa’g layo na mi, makit-an niya akong asawa, pakaulawan, singgitan, ingno’g uwagan. Napuno na gyud ko. Giingnan nako bitaw sila’g ayaw hilabti akong asawa,” saysay suspect.
Samtang, sa post ni Jenny Mae Brigoli, grabe ang iyahang kasuko human nga daw halos gipatay pagkulata sa suspect sa iyahang inahan nga duna pay gihambin nga balatian.
Kaso kalabot sa less serious physical injuries ang atubangon sa suspect nga anaa na sa kustodiya sa kapulisan.
RadyoMaN Kirby Manzon
