Anak giluba sa Amahan, Patay!

60

Patay ang biktima human kini giluba didto sa Sitio, Maningo, Brgy. Datagan, lungsod sa Sindangan.

Naila ang biktima nga si Gilbert Estemonio Aplicador, hingkod ang pangidaron, ulitawo ug residente sa nahisgutan nga dapit.

Sa gihimong imbistigasyon sa kapulisan nasayran nga giluba kini sa iyang amahan nga si Gualberto Tabangan, Aplicador, 53 anyos.

Dugang pa nga ang biktima ug ang suspek nag inom kini sulod sa panimalay sa iyang amahan. Pipila ka mga gutlo ang milabay, ang suspek mi gawas kini sa ilang pinuy-anan ug nag singit-singit ug iyang gihagit ang biktima.

Hinungdan nga misilaob na hinoon ang kagubot sa tali sa duruha, miresulta ang ilang away sa pagpang luba, samaran ang biktima sa walang bahin sa iyang dughan nga maoy mitsa sa iyang wala damhang kamatayon.

Ang suspek dali gilayong mi sibat sa wala masayring direksyon, sa pagkakaron padayon pa ang imbistigasyon sa kapulisan kung unsay nagpaluyong motibo sa maong panghitabo.

Facebook Comments