Anak, gipatay ang kaugalingong amahan

37

Banga, south Corabato–Nagtinggakol sa selda sa Banga Municipal Police Station ang usa ka driver nga naila sa pangalang Reynaldo Biala, hamtong ang pangidaron human nga mitahan sa iyang kaugalingon sa kapulisan tungod sa pagtigbas patay niini sa iyang amahan nga si Roberto Biala, 70 anyos, mag-uuma susamang nanimuyo sa Prk.Magsaysay,Brgy.Rang-Ay Banga, alas 5:30 sa hapon sa panimalay mismo sa biktima.

Pamahayag ni Police Major Joseph Forro, hepe sa Banga MPS nga una na silang nakadawat ug impormasyon gikan sa nasampit nga lugar kalabutan sa maong panghitabo nga gilayon man usab girespondehan sa iyang mga sakop ang lugar.


Basi sa ilahang imbistigasyon, kasuko matud pa sa anak nga suspek ang hinungdan nganong iyang natigabsan patay ang amahan niini, kini human nga misumbong ang anak sa suspek nga 14 anyos nga babaye nga ginamolestiya kini sa iyang lolo.

Nasayran nga ang menor de edad nga gimolestya sa amohan ang tua nagpuyo sa iyang panimalay.

Saysay pa ni Forro nga tungod nga dili madawat sa suspek ang gibuhat sa iyang amahan ngadto na sa iyang anak iyaha kining natigbasan sa liog nga miresulta sa pagkaputol sa ulo niini ug hinungdan sa kamatayon sa biktima.

Sa kasamtangan gipaabot na lamang sa kapulisan ang pamilya kung mopasaka ba silag kaso batok sa suspek.

Facebook Comments