Davao City – Kritikal sulod sa Southern Philippines Medical Center kun SPMC ang usa ka anak human tigbasa sa kaugalingong amahan nga nahitabo sa ilang panimalay sa may Balutakay, Managa, Bansalan, Davao Del Sur alas 6:30 kagabii.
Base sa medical bulletin, anaa pa ubos sa obserbasyon sa medical staff sa SPMC ang biktima nga si Rony Pansacala, 23 anyos, ug ulitawo gumikan sa samad sa ulo ug duha ka samad sa kilid sa iyang lawas.
Sumala sa nagdala ni Rony nga si Rolando Gonzaga nga sa wala pa mahitabo ang insidente nakig-inom pa ang biktima kaniya ug hubog na nakapa-uli sa ilang balay si Rony.
Nagkalalis matud pa ang mag-amahan sa wala pa masuta nga hinungdan ug tungod kay naputong ang suspek mikuha kini og sundang dayon tigbas sa tulo ka higayon ngadto sa biktima.
Daling gidala si Rony paingon sa balay tambalan dinhi sa siyudad sa Dabaw aron katambalan ang samad-tinigbasan nga nahiagoman niini.
RadyoMaN Joel Viray
