Davao City – Natusaktusak sa bulitas sa bala sa shotgun ang duha ka paa sa usa ka anak human naunay og pusil sa amahan.
Daling gidala pagsapupo sa amahan ang iyang anak nga si alyas Jessie, 14 anyos, kinsa pulos nagpuyo sa Brgy. Tamayong Calinan sa Southern Philippines Medical Center human iyang aksidenteng napusilan ang iyang anak 11:00 sa gabii.
Suma sa amahan nga natugaw matud pa kini sa tikawtikaw sa gawas sa ilang balay rason nga migawas kini ug gilayon iyang pusil ang tawo nga iyang nakita gamit ang shotgun.
Sa pagduol sa amahan didto na niya nasayran nga iyaha diay’ng anak ang napusilan.
Sa karon, padayon pang gitambalan ang biktima sa SPMC.
RadyoMaN Joel Viray
Facebook Comments
