Anak ni CDO 1st District Congressman Klarex Uy nga si Carmen Brgy. Kagawad Roland Sherwin “Tawi” Uy, gipusil patay sa iyang bunkhouse!

175
Si CDO City Mayor Moreno ang midalikyat sa nahitaboan sa krimeng pagpusil patay sa anak ni Congressman Klarex Uy nga si Carmen Brgy. Kagawad Tawi Uy ug sa caretaker ni-ini nga si Samuel Pabalan. | Photo by: RadyoMaN Jonathan Bullo

Gipusil patay kagahapong adlawa ang anak ni 1st District Congressman Rolando “Klarex” Uy nga si Brgy. Carmen Kagawad Roland Sherwin “Tawi” Uy lakip na ang caretaker ni-ining si Samuel Pabalan.  Nahitabo ang insidenti mga ala una ang takna sa hapon sa Nobyembre 11 ning kasamtangang tuig diha sa ilang quarry bunkhouse sa Zone 1, Brgy. Pagatpat ning syudad sa Cagayan de Oro.

Matud pa ni PCapt. Paulo Benedicto Acosta, III, ang SOCO Team Leader nga nakaangkon sa duha ka mga samad pinusilan ang unang biktima nga si Samuel Pabalan, 73 anyos, minyo nga taga Zone 10 Zayas, Upper Carmen.  Nakaangkon kini sa samad pinusilan sa iyang dughan ug sa ulo nga bahin sa iyang lawas.

Samtang ang ikaduhang biktima nga si Kagawad Tawi, 45 anyos nga minyo nga taga Brgy. Carmen ning syudad ang nakaangkon sa 6 ka mga samad pinusilan.  2 ang igo sa tiyan, 2 sa mga kamot ni-ini ug 2 usab sa ulo nga bahin sa iyang lawas ang naigo sa mga bala.


Gikabutyag sa driver sa biktima, dihang ana-a kini sa comfort room nakadungog kini og buto-buto sa pusil maong nahadlok kining mogawas.  Dihang nadungog ni-ini ang misibat nang palayo nga tingog sa motorsiklo dayon kini migawas sa CR ug didto niya nakita ang duha ka mga biktima nga nagbuy-od na sa ilang mga kaugalingong dugo.

Padayon pa karong gipalawman sa mga otoridad ang ilang imbestigasyon aron nga masuta ang motibo sa mihimo sa maong krimen.

Facebook Comments