Patay ang usa ka lalaki human nga gipusil sa kaugalingong amahan.
Biktima nailang si Rico Cases y Manos, 33 anyos dunay ka live-in ug mulopyo sa purok 5B Sitio Paitan, barangay Dalipuga ning syudad sa Iligan.
Suspek ang amahang si Juanito Cases y Oro 60 anyos. Ang pagpamusil nahitabo alas 7:30 kapin kun kulang ang takna kagabie, sa balay sa ig-agaw sa biktima.
Matud ni kagawad Junnie Tingcang,sa Barangay Dalipuga, nga samtang nag inom ang biktima ug ang amahan niini, misangpot sa panaglalis ang ilang istorya.
Kalit nga mibunot sa kalibre .38 nga pistola ang amahan ug gipusil ang anak niini. Samad sa Dughan ang naangkon sa biktima hinungdan sa iyang kamatayon.
Suspetsado detinado sa Police Station 3 Tag-ibo sakop sa barangay Dalipuga ning dakbayan.
