Pilason ang anak matapos ginlabu sang iya amay sa banwa snag Estancia mga alas 8 sang gab-i (Mayo 27).
Padayon nga ginabulong sa Jesus Colmenasres District Hospital ang biktima nga ginkilala kay Virgilio Oropesa, 23 anyos sang Purok 2, Barangay Tabu-an, Estancia, Iloilo.
Samtang ang amay nga suspek ginkilala naman nga si Marcus Oropesa, 67 anyos sang amo man nga lugar.
Sa imbestigasyon sang Estancia PNP, ginpahayag ni Police Staff Sgt. Ian Wen Jover nga naimpito ang amay matapos lampusan ini sang kaldero sang iya anak kabangdanan nga iya ini nga ginlabu.
Suno kay Jover nga mga alas 8 sang gab-i samtang manugpanyapon ang amay sang magsulod ang anak kag nagpakigbais diri kon sa diin gulpi lang nga ginlampusan sa ulo sang anak ang iya amay.
Bangud sini, ginlabu sang amay ang iya anak sang binangon nga naigo sa ulo kag dali-dali nga gindala sa ospital.
Samtang boluntaryo naman nga nagsurrender sa mga pulis ang amay kag priso karon sa Estancia Police Station.
