Pagadian City – Hilabihan ang gibating kalipay karun sa Top 3 sa bag-ohay lang nga resulta sa 2018 Criminology Board Exam.
Kini ang reaksiyun ni Eddie Glendo Caling Encarnacion,21 anyos nga residente sa Brgy. Paradise, Ramon Magsaysay sakop sa probinsya sa Zamboanga del Sur.
Sa eksklusibong pakighinabi sa RMN pagadian, gibutyag niini nga halos dili siya makatoo tungod kay wala siya naglaum nga mag Top sa maong eksaminasyun.
Gihatag lang matud pa niini ang best diha sa pagtoon dagung butyag nga pangandoy lang niya nga mopasar hinungdang gikonsiderang bunos na ang iyang pagTop niini.
Dakong tabang matud pa ang maayong training sulod sa tunghaan sa Pagadian Capitol College.
Gilayon usab nga nagpasalamat sa mga tawong misuporta ug misalig kaniya partikyular ang iyang pamilya og ang iyang nakuha nga dungog gi-isip nga bugti sa pagpaningkamot sa iyang ginikanan nga balut vendor.
Mitambag usab kini sa mga magtutungha nga kinahanglang mag focus sa pagtoon og dili kalimtan ang pag-ampo sa Ginoo.
Si Encarnacion ang Top 3 sa 2018 Criminology Board Exam sa average nga 89.00 percent.
