Davao City – Dead on arrival ang usa ka lalaki human gipusil sa riding-in-tandem bandang alas 9:52 kaganinang buntag sa Mabini Street, Brgy. Magugpo South ning syudad sa Tagum.
Sa report gikan sa Tagum PNP, giila ang biktima nga si Senen Villaceran Reyes, 38 anyos, ug residente sa Union Village, Brgy. Mankilam sa nasangpit nga syudad.
Subay sa report, padulong na unta matud pa mag-parking sa iyang sakyanan ang biktima uban ang iyang inahan nga usa matud pa ka negosyante apan duha ka suspek sakay sa motorsiklo ang mipusil sa biktima sa makadaghang higayon hinungdan sa hinanaling kamatayon.
Dali matud pa misibat ang mga suspek ug mipadulong sa Brgy. San Miguel sa maong syudad nga direksyon.
Samtang narekober sa otoridad ang mga bala sa .45 calibre pistol nga gigamit sa krimen ug ginasuta pa usab nila ang motibo sa pagpusil-patay sa biktima.
RadyoMaN Renz Barbarona
