Davao City- Manghinaut ang Anakbayan Southern Mindanao Region (Anakbayan-SMR) nga walay matigayong pabor-pabor ang himoong senate hearing niining pagtambong nila ni Davao City Vice Mayor Paolo Duterte ug Atty.Mans Carpio, human gilambigit ni Senador Antonio Trillanes sa isyung korapsyon sa Bureau of Customs.
Sumala ni Jayvie Cabajes Anakbayan-SMR Spokesperson, unta ang himoong imbestigasyon sa senado dili bias ug walay giilang dagkong opisyal ug ipakita sa katawhang Pilipino ang kamatuoran.
Malaumon si Cabajes nga kining pagtambong ni Vice-Mayor Pulong Duterte ug Atty. Mans Carpio sa hearing sa senado maklaro ang tanan kung duna ba o wala siyay kalambigitan sa korapsyon sa Bureau of Customs.
Samtang giklaro usab ni Cabajes, duna kini epekto sa syudad, tungod kay ang mga tawo dako kaayo ang pagsalig sa mga Duterte ilabina kang Presidente Rodrigo Duterte nga kini walay lama sa pagpanerbisyo.
Kasamang Bernard Pantallon
