Davao City –Nagtoo ang Coordinator sa Mindanao Peoples Caucus Candido “Jun” Aparece nga dili molampus ang laraw nga pagpalagpot sa katungdanan ni Presidente Rodrigo Duterte pinaagi sa Oplan Red October.
Sumala ni Aparece, ang loyalty sa Armadong Kusog sa Pilipinas ug Philippine National Police anaa sa pangulo ug dili mamahimong maghiusa ang leftist ug komunista aron motapon sa rightist nga mao ang grupo ni Senador Antonio Trillanes, aron palagputon ang presidente.
Giklaro usab ni Aparece dako kaayo ug boto nga nakuha ang pamuno nasod ug tag-as usab ang iyang mga rating, hinungdang dili makakuha sa giingong popular support ang mga nagtinguha sa pagpakanaug sa katungdanan ni Presidente Duterte.
Matud ni Aparece bugtong himoon sa pangulo aron dili matanggal sa pwesto magbuhat siya ug mga programa, pagpatuman sa maayong serbisyo aron ang gobyerno motunhay, tabangan ang mga kabus ug paghatag sa mga batakang panginahanglanon sa tawo sama sa balay, trabaho, panglawas ug uban pa.
RadyoMaN Bernard Pantallon
