Davao City- Duha ka mga ‘sentro de gravidad’ kun mga focus sa mga aktibidad karong hapon ang mamahimong uyukan sa mga demonstrasyon ug mga kontra-protestang kalihukan atol sa 45th martial law declaration commemoration.
Kun ang mga anti-Duterte rallysts mo-sentro sa may Luneta Park, ang hut-ong sa mga Duterte adherents ilawom sa landong sa Liga Independencia Pilipinas magtapok sa may Plaza Miranda uban sa PDP-Laban, ang partido-pulitikal sa administrasyon ni Pres. Rodrigo Duterte.
Sa mga dagkung kasyudaran ug kabisera sa nasud sama sa Davao, Cebu, Cagayan ug uban pa, gilaumang susamang mass mobilization ug demonstrasyon matigayon.
Gilauman nga mosila-ob ang protesta batok sa mga palisiya sa rehimeng Duterte ilabi na ang kontrobersyal niining war on drugs apan gi-ekspektar usab kini nga tugbangan sa mga government allies sa atake ngadto sa mga kritiko sa ilang walay habas nga pagpangita’g buslot sa mga programa ug prayoridad sa gobyerno gamit ang isyung human rights.
Matud sa mga analysts ug batid sa lakat sa pulitika sa Pilipinas, timailhan lamang kini nga dakung buhi ang demokrasya sa atong nasud gumikan sa gawasnong pagpadayag sa ordinaryong tawo mientras gilantaw kini sa mga ‘bleeding hearts’ nga hinungaw sa gitawag nila nga ‘creeping dictatorship’ sa presenteng rehimen.
Adunay panglantaw ang pipila ka mga opisyales sama ni former Senate Pres. Juan Ponce Enrile nga daku siyang uyon sa bahad ni Duterte nga ideklara ang nationwide martial law gumikan gi-atubang sa current administration ang mas malisud ug mas masalimuot nga dagan sa pulitika gumikan sa nagkadaiyang mga hulga pananglit insurhensiya, terorismo, droga, korapsyon, krimen ug kining pagtuyhakaw sa usaka klase sa oposisyon nga nanganting palup-ugon gayud si Duterte.
RadyoMan June Duterte
