Analyst: Ayuda usa sa nagustohan sa mga Pinoy ilawom sa Marcos administration

Davao City – Nakita sa usa ka analyst nga ang paghatag og ayuda sa gobyerno tungod sa krisis hatud sa pandemya ug taas sa palaliton, ang usa sa rason kung nganong daghang Pinoy ang kumbinsido nga sakto ang mga programa karon sa administrasyon ni Presidente Ferdinand “Bongbong” Marcos Jr. (PBBM).

Sa interbyu sa DXDC RMN Davao kang Professor Ramon Beleno III, usa ka political analyst, gisulti niini nga luyo sa mga nag-unang problema nga giatubang ug nasinatian karon sa katawhan, naangayan sa mga Pilipino ang paghatag og solusyon sa gobyerno ilabi na pinaagi sa ayuda.

“Medyo mataas ang percentage natin ng mga subsidies ng ating government. So, ito continuation ‘to nung mga nangyaring subsidies during the pandemic, and kahit na wala nang masyadong pandemic, may ganito paring mga subsidies because of the inflation. So, ito parang okay sa mga Pilipino,” sulti ni Beleno.

Nasayrang walo sa napulo ka mga Pinoy ang mituo nga maayo ang direksyon sa Marcos administration, subay sa first quarter survey sa OCTA Research.

Gidugang sa political analyst nga iyahang ginapaabot kung unsa ang mamahimong legasiya ni PBBM sama sa mga mitatak sa Pilipino gikan sa nakalabay nga mga presidente.

Sa pagpagkakaron, nakita pa lamang niini nga muhatag og solusyon ang kasamtangang administrasyon kung adunay matalang problema sa nasud.

RadyoMaN Kirby Manzon