Analyst: P1.29-B cut sa OVP Budget, dili makatarog kang VP Sara

Gikonsidera sa usa ka political analyst nga usa ka political persecution ang rekomendasyon sa House Committee on Appropriations nga pagtanggal og muabot sa P1.2 billion sa 2025 budget sa Office of the Vice President (OVP).

Nasayrang P733.198 million nalang ang mamahimong budget sa OVP subay sa rekomendasyon, gikan sa P2.037 billion proposed budget.

Sa interview sa DXDC RMN Davao kang Professor Randy Ponteras, usa ka political analyst, iyahang gisaysay nga sakto lang ang budget sa OVP apan nakuhaan kini tungod kay napolitika ang budget process.

“Naay katungod si VP Sara mo-complain pero daan na sya nag-ingon nga she can live with it bisan og zero budget. So be it para makita sa katawhang Pilipino nga ingon ani diay ning pamaagi nga dili makiangayon ang administrasyon ni BBM. Naay Vice President nga giboto sa 32 million ka botante sa Pilipino pero naay mga Congressman nga giboto lang tag 200-300,000 maoy nagkastigo kang VP Sara karon,” saysay ni Ponteras.

Samtang, giklaro ni Marikina City Representative Stella Quimbo nga ang maong desisyon sa budget cut usa ka committee decision. Hinuon kini rekomendasyon pa lang ug dili pa pinal.

RadyoMaN Kirby Manzon