Davao City – Daku ang posibilidad nga ang resignation sa pwesto ni Vice-Mayor Paolo Duterte tinukmod usab sa rason-pulitikal.
Kini maoy basa karon ni Institute for Political and Electoral Reforms (IPER) Executive Director Prof. Ramon Casiple atol sa interbyu kaniya sa programang ‘Straight to the Point.’
Gisugilon ni Casiple nga dili gayud malikayan nga adunay ‘political reason’ ilabi ang iyang amahan mao man si Pres. Rodrigo Duterte.
Pikas bahin, gibutyag sa executive director sa IPER nga angay pakusgan ang National Building Code alang sa mas luwas nga construction sa mga imprastraktura sa Pilipinas ilabi na ang pagpatuman sa mga ‘storm-resistant buildings.’
Nanghinaut usab si Casiple nga seryosohon sa katawhan ang dautang epekto sa pagkadaut sa atong kinaiyahan ngari kanato.
RadyoMaN Jason Amisola
