Sa interview sa DXDC RMN Davao sa kagawad sa Barangay 76-A Bucana, Davao City nga si Randy Ponteras, iyang gibutyag nga walay kredibilidad ang mga survey karon, ug ang lihok nalang gyud matud pa ang pa-storyahon.
Dugang usab sa opisyal nga duda siya sa pagkakuha ni House Speaker Martin Romualdez og 77% job performance rating ug gibarogan nga himo-himo ra nila kini sa kaulohan.
Kahinumdoman nga sa “Boses ng Bayan” survey niadtong 2023 nga gi-release niadtong February 4, 2024, nakakuha si Presidente Ferdinand “Bongbong” Marcos Jr. og 80% performance rating. Samtang, nakakuha usab si Vice President Sara Duterte og 78% satisfaction score.
Nakuha sab ni Senate President Migz Zubiri ang 75% job approval, samtang 77% rating usab ang nakuha ni House Speaker Martin Romualdez.
Subay sa maong resulta, matud ni Ponteras nga sa umaabot nalang nga eleksyon makita nga kung kinsa kadtong pilion og balik sa katawhan, mao kadto ang nagpakita og maayong serbisyo sa pamunoan.
RadyoMaN Ivy Parido
