Davao City – Road courtesy, road discipline, inclusive mobility ug road sharing, kini mao ang angay tinuon aron mabuklad ang sistema sa trapiko dinhi sa syudad sa Davao.
Sa interbyu kang University of Mindanao Institute of Public Opinion (UM-IPO) Director of Quantitative Studies Dr. Adrian Tamayo, klaro nga bisibilidad sa daghang mga personahe sa lokal nga panggamhanan diha sa dalan aron tarong nga maimplementar ang mga balaod sa trapiko.
Segun ni Tamayo, kanunayng mosunod sa balaod ang katawhan kung adunay daghang makita nga enforcers sa mga choke points ug passengers pick-up area sa mga mall dinhi sa syudad.
Base sa ilang research, ninggula ang mga paglantaw nga aron maimprobar ang traffic system sa dakbayan, kinahanglan og re-infrastructure sa mga dalan ug by-pass areas, disiplina sa mga riding public ug drivers, pag taas sa singil sa penalties for traffic violations, pag modernisa sa Public Utility Jeepneys (PUJ) ug rasyonalisasyon sa pag-implementar sa balaod nga gaduso sa mga personahe sa Land Transportation Office (LTO), City Transportation and Traffic Management Office (CTTMO) ug Land Transportation Franchising and Regulatory Board (LTFRB).
Apan lang kang Tamayo, padayon pa ang pag-improbar aron masulbad ug makab-ot ang kalamboan sa atong systema sa panakayan dinhi sa Davao.
RadyoMaN Jason Amisola
